شبكة_الحق | #مقالات | عمرو عبدالهادى ... يكتب : اللى مزنوق فى جامع يروج كنيسة !!
انا مش فاهم الناس دي متضايقه ليه من قرار غلق الزوايا ، ماهو وزير اﻻوقاف قال هنقفلها علشان نعمر المساجد ، يعني راجل زي الفل ، برغم ان لو جمعت عدد المساجد و الزوايا الي في مصر و قسمت عليهم 80 مليون مسلم يعني بفرض ربنا هداهم و قرروا يصلوا كل الصلوات يبقى مش هيكفيهم 60 ضعف تلك المساجد و الزوايا ، و بعيد يا جماعه فعلا يعني من باب المساواه مع اخواتنا المسيحيين الي هما عددهم 6 مليون يبقى مظبوط هو فيه حد لقى كنيسه صغيره قد الزاوية كده لا طبعا لا مؤاخذه دي كلها على ناصيتين و كلها كنائس كبيره يعني المساواه بتقول ان نلغي الزوايا ﻻن اﻻخوه المسيحيين معندهمش زيها و نخلي الجوامع الكبيره بس اسوة بالكنائس الكبيره و على راي المثل الى ليه اب مينضربش على بطنه ، و بعدين برضوا الي متضايق قوي من غلق المساجد بعد الصﻻه بربع ساعه ميضايقش نفسه و هيﻻقي اقرب كنيسه للجامع ده فاتحه 24 ساعه فلوسمحت متصدعوناش كلها بيوت ربنا و برضوا الي ليه اب مينضربش على ضهره و مفيش عسكري هيقدر يطاردك ، اصل اﻻسطورة بتقول ان العسكر يفرق معاهم الي بيطاردوه اذا كان على ايده صليب او على راسه عﻻمه صﻻه ، ايوه صدقوني دي احداث ماسبيرو كانت بتتنقل ﻻيف على قناة الطريق المسيحية و الجثث كانت بالكوم و التحريض كان بالكوم برضوا و انا لما تعاطفت معاهم يومها ونزلت وقفت معاهم لنجدتهم من البطش كنت ساعتها بحلم ، و برضوا الاسطورة بتقول ان العسكر مقدروش على 6 مليون مسيحي فقرروا يضطهدوا 80 مليون مسلم او باقل تقدير 15 مليون يرتادوا المساجد و مواظبين على السنه ، كل الي فات حماده و الي جاي حماده تاني ﻻن برضوا زي ما اثبتلكم بالدليل القاطع من كﻻمي الي فات انكم بتفتروا على حكومة اﻻنقﻻب العسكري برضوا هثبتلكم و اقولكم ان الي متضايق من قفل 15 قناة اسﻻمية لو مسك الريموت و تعب نفسه شوية هيﻻقوا 30 قناة مسيحية مفتوحة 24 ساعه صدقني زمبؤولك كده و هتﻻقوا فيها برامج سياسية و برامج تانية تبشيرية بالدين المسيحي اهو بالمره بدل ما تشوف برامج اسﻻميه و تشوف ايه حﻻوه دين محمد اخر الرسل بيحاولوا يخلوك تشوف نواقص اﻻديان التانية علشان تعرف مكارم الدين اﻻسﻻمي ، يعني من اﻻخر انت الي مفتري على حكومة اﻻنقﻻب العسكري و هما كل غرضهم ترسيخ عقيده الدين اﻻسﻻمي عندك و انت علشان ناكر للجميل و ايمانك ضعيف و من كثر فرجتك على القنوات المسيحيه ممكن تبقى مرتد يبقى انت الي عقيدتك ضعيفه انما حكومة العلمانيين و الليبراليين و الشيوعيين و اليساريين مسلمين و اكثر اسﻻما منك اه زمبؤولك كده و لو فتواهم مش عاجباك عندك الحاجه الهام شاهين اسالها هي قالت انها هتعلمنا الدين و انا قعدت اتفرج على فيلم لحم رخيص علشان اعرف هتدرسلنا الدين اﻻسﻻمي على اي مذهب ! انا شايفك بتضحك فاكرني مش عارف ﻻ طبعا عارف على المذهب البرهامي و على الطريقه المخيونية النادره شيخ مشايخ الطرق اللولبيه ، و لو مش مصدقني مش هقولك بقى اسال اﻻربعه المبشرين بالجنه ﻻ ﻻنهم ماتوا رضي الله عنهم و ارضاهم انما اسال يسرا الي عندها الكتالوج و انصحكم توقفوا قراءه المقال و تلحقوا يسرا قبل ما تروح تجح الحجه الثالثه لسنة 2013 ﻻن الحجة الرابعه ليها بتبقى مع الهام شاهين اخر شهر 11 من كل عام و بعد كل الي قلته عندكوا شك 1% ان اﻻنقﻻب فشل و هيرحل يبقى فاشل ﻻن كل ما الباطل وصل لذروته يبقى الفجر قرب يطلع و انا من اﻻن بقولكم انتظر و انتظرو معي بفارغ الصبر اﻻستفتاء على فيلم 2013قصدي دستور 2013 ﻻننا هننزل بالمﻻيين نقول ﻻ و ده معناه رفض خارطة الطريق كلها و العودة الى دستورنا 2012 و مجلس الشورى و رئيسنا المنتخب الي هيكمل مدته مع اني متاكد انهم هيرحلوا قبلها ان شاء الله
