الدوري المصري يعود والدعاوى القضائية تلاحقه
سماح عمار: عمرو عبد الهادي محامي مصري بسيط رفع دعوة قضائية لحل أندية الشركات وإيقاف الدوري العام وبطلانه لهذا الموسم.
عمرو عبد الهادي: لأن أندية الشركات دي بتصرف من بالأمر المباشر من خزينة الدولة غير الأهلي والزمالك اللي بيعتمد على موارد كتير جدا وبيعتمد على جماهير.
سماح عمار: عمرو واحد من الشعب المصري يتحدث باسمه ويدافع عن حقه.
عمرو عبد الهادي: خلي سمير زاهر يقدم لي عقود اللاعبين كلهم عشان نعرف وليد سليمان بياخد كام ومنين ونشوف مين رجال الأعمال اللي بتدعمهم لو في رجال أعمال، نشوف الحاجات دي كلها لازم يكون في شفافية لازم ميزانيتي تبقى كذا وطالع كذا والفائض من النائج القومي دة أنا اللي بحدده لأن أنا الشعب.
سماح عمار: تعجب من إهدار الأموال رغم احتياج الشعب لها.
عمرو عبد الهادي: رغم أن هما طالعين علينا قبل كدة قالوا لنا البلد هتفلس في خلال شهرين طيب ال12 مليون وال 11 مليون اللي طالعين للأندية دول طيب يعني مصيرهم إيه طيب وجهوهم للتعليم طالما أنتوا عندكم فائض في البترول رغم أن المؤشرات كلها بتقول أن في 70 مليار خسائر في قطاع البترول طيب منين 70 مليار ومنين أنت بتصرف على أندية ولاعبين ومدربين وعقود ومدلكين ومعسكرات الحاجات دي كلها منين.
سماح عمار: لم يلجأ للأندية ويلوم على اتحاد الكرة التعتيم.
عمرو عبد الهادي: طبعا أنا مستندتش للمادة 18 رغم أن هي كانت مطروحة على الساحة طول الفترة اللي فاتت ودة بيبين لنا في تواطؤ كبير جدا ما بين الأندية وما بين سمير زاهر ودة خلاني ملجأش للأندية رغم أن هي المفروض تكون الدعامة الرئيسية معايا أن هي تتدخل هجوميا أو ضد اتحاد الكرة على أساس تاخد حقها المسلوب بس أنا شايف طبعا أنه في تعتيم حتى اتحاد الكرة بلوم عليه لأنه هو إلى الآن مش قادر يتصور أنه دخل في عهد جديد مبيعرضش الرأي والرأي الآخر الموقع اتحاد الكرة لأمس مذكرش أنه في دعوة رغم أن سمير زاهر مستلم إعلاناتها كلها.
سماح عمار: يشعر عمرو بتأييد الجميع له.
عمرو عبد الهادي: مش عالسطح يعني قعدت مع كذا واحد بدون ذكر أسماء قال لي ربنا معاك، وأنا حاسس أن سمير زاهر يتمنى بس متجيش منه لأنه لو جت منه هيبقى نهايته حله فاهماني وهو خلاص باقي له مدة بسيطة فا عايز يقضيها عشان يطلع مبسوط يعني فا كل الناس حتى المستشارين في المجلس القومي لما قابلتهم قالوا لي والله أنت معك حق مش وقته المصاريف دي مش وقتها.
سماح عمار، لصدى الملاعب، القاهرة.
http://www.mbc.net/portal/site/SadaAlMalaeb/menuitem.a93adeecf548b47e71739bd7480210a0/?vgnextoid=907f7e0fcce4f210VgnVCM1000008420010aRCRD&vgnextchannel=23bb5dac0ed22210VgnVCM1000008420010aRCRD&vgnextfmt=default
ليست هناك تعليقات:
إرسال تعليق
اهلا بكم في مدونه الثائر الحق